Seinna stríð Kína og Japans var styrjöld á milli Lýðveldisins Kína og japanska keisaradæmisins sem háð var frá 1937 til 1945. Stríðið hófst í aðdraganda seinni heimsstyrjaldarinnar og rann inn í hana eftir að Japanir gerðu árás á Perluhöfn árið 1941. Stríðinu lauk með skilyrðislausri uppgjöf Japana fyrir bandamönnum eftir kjarnorkuárásirnar á Hiroshima og Nagasaki árið 1945.

Orsök stríðsins var útþenslustefna Japana, sem höfðu uppi áætlanir um að ná yfirráðum yfir allri Suðaustur-Asíu. Innrás Japana var framkvæmd í nokkrum þrepum sem kölluðust í japönskum áróðri „kínversku atvikin“ og voru útmáluð sem ögranir Kínverja gegn Japönum sem réttlættu hernaðarinngrip. Japanir notuðu Mukden-atvikið svokallaða árið 1931 sem tylliástæðu til að gera innrás í Mansjúríu. Árið 1937 hófu Japanir svo allsherjarinnrás í Kína eftir atvikið við Marco Polo-brúna svokallaða. Upphaf hinnar eiginlegu styrjaldar er miðað við það ár, og stundum er upphaf seinni heimsstyrjaldarinnar einnig miðað við ártalið þótt algengast sé á Vesturlöndum að miða við innrásina í Pólland 1939. Kínverjar börðust einir gegn Japönum frá 1937 til 1941 en eftir að Japanir réðust á Perluhöfn komu bandamenn seinni heimsstyrjaldarinnar þeim til aðstoðar og hjálpuðu þeim að vinna bug á innrásinni.

• 15. maí:
  • Sveitarstjórnarkosningar á Íslandi 2022: Meirihlutinn í borgarstjórn Reykjavíkur fellur en Framsóknarflokkurinn bætir við sig fjórum borgarfulltrúum.
  • Úkraína vinnur Söngvakeppni evrópskra sjónvarpsstöðva 2022 með laginu Stefania eftir Kalush Orchestra.
• 9. maí: Bongbong Marcos (sjá mynd), sonur einræðisherrans Ferdinands Marcos, er kjörinn forseti Filippseyja.
• 8. maí: Sveindís Jane Jónsdóttir verður þýskur meistari með liði sínu Vfl Wolfsburg.
• 25. apríl: Samfélagsmiðillinn Twitter samþykkir yfirtökutilboð milljarðamæringsins Elons Musk.
• 24. apríl: Emmanuel Macron er endurkjörinn forseti Frakklands í kosningum á móti Marine Le Pen.
• 20. apríl: Nóbelsverðlaunahafinn José Ramos-Horta er kjörinn forseti Austur-Tímor.

Yfirstandandi: Borgarastyrjöldin í Jemen  • Innrás Rússa í Úkraínu  • Kórónaveirufaraldurinn  • Sýrlenska borgarastyrjöldin  • Stríð Rússlands og Úkraínu

Nýleg andlát: Vangelis (17. maí)   Leoníd Kravtsjúk (10. maí)  • Ólafur Ólafsson (3. maí)  • Leifur Hauksson (22. apríl)

• 2000 - Baneheia-málið í Noregi: Tveimur ungum stúlkum var nauðgað og þær myrtar í Kristiansand.
• 2001 - Fyrsta Apple Store-verslunin var opnuð í Fairfax-sýslu í Virginíu.
• 2003 - Stríðið í Aceh 2003-2004: Indónesíuher hóf aðgerðir í Aceh-héraði.
• 2009 - Bandaríski sjónvarpsþátturinn Glee hóf göngu sína.
• 2010 - Lögregla réðist gegn mótmælendum í Bangkok í Taílandi með þeim afleiðingum að 91 lést.
• 2011 - Lars von Trier var vísað frá kvikmyndahátíðinni í Cannes vegna ummæla hans um Adolf Hitler og gyðinga.
• 2011 - Dominique Strauss-Kahn sagði af sér sem yfirmaður Alþjóðagjaldeyrissjóðsins.
• 2013 - Uppþotin í Stokkhólmi 2013 hófust með íkveikjum í Husby og stóðu næstu þrjú kvöld.
• 2016 - EgyptAir flug 804 hrapaði í Miðjarðarhafið. 66 fórust.
• 2018 - Harry Bretaprins gekk að eiga bandarísku leikkonuna Meghan Markle.

• … að Valdimar gamli Kænugarðsfursti, sem kristnaði Rús-þjóðirnar í Garðaríki á 10. öld, er sagður hafa hafnað íslamstrú þar sem hann gat ekki hugsað sér að iðka trúarbrögð sem bönnuðu áfengisdrykkju?

• … að Gunnars kvæði á Hlíðarenda er eini íslenski sagnadansinn, svo vitað sé, sem fjallar um atburði úr Íslendingasögunum?

• … að Hoffmannsdropar voru gjarnan misnotaðir sem áfengi á bannárunum, til dæmis í Bandaríkjunum, á Íslandi og í Noregi?

• … að Claire Bretécher var fyrst kvenmyndasöguhöfunda til að hasla sér völl í fremstu röð í myndasögugerð í Frakklandi?

• … að borgin Grosní var nánast alfarið lögð í rúst í seinna Téténíustríðinu (sjá mynd) í kringum aldamótin 2000?

• … að áin Þverá í Fljótshlíð minnkaði verulega árið 1946 þegar hlaðinn var 600 metra langur varnargarður sem veitti megninu af ánni í Markarfljót?